4.8 C
Ohrid
вторник, ноември 24, 2020
Почетна Македонија Се огласија од кабинетот на Филипче: Видеото со папагалот беше пародија кај...

Се огласија од кабинетот на Филипче: Видеото со папагалот беше пародија кај што вика ”Оставка, Оставка” го повлековме од почит кон граѓаните

Translate (Eng):[gtranslate]

Во денот кога Македонија регистрира над 40% позитивни од бројот на тестирани и во периодот кога Македонија ги руши сите коронавирус рекорди, Министерот за здравство Венко Филипче на својот фејсбук профил објави видео на кое е прикажан папагал кој извикува: Оставка, оставка, оставка, алудирајќи на барањата на опозицијата за итна оставка од негова страна.

Видеото беше целосно наменето за опозициската ВМРО-ДПМНЕ а за истото пренесоа поголем дел од медиумите. Сепак, по кратко време, видеото не можеше да се најде на неговиот фејсбук профил односно истото беше избришано

Од кабинетот на министерот соопштиле дека видеото е пародија на неоснованите критики на опозицијата кон неговата работа како министер за здравство во време на светска пандемија.

РЕКЛАМА

„Сепак заради дел од коментарите на граѓаните кои сметаа дека содржината е несоодветна, со сета почит кон нив, видеото е повлечено. Но, неговиот став кон неконструктивната критика од опозицијата за неговата работа и работата на Комисијата за здравство останува. Во вакви услови, без разлика на политичката опција, секој има одговорност“, одговориле од МЗ.

Од опозициската ВМРО реагираа на повлеченото видео и соопштиле дека власта на СДСМ без никаков срам се фали дека обезбедува средства за справување со здравствените и економските последици од пандемијата.

Според нив, неодговорно е тоа што министерот наместо да спасува животи објавува пародии и видеа со папагали.

„Да Венко, 1.000 причини зошто, 1.000 причини затоа за ОСТАВКА! Додека бележиме двоцифрени бројки на починати лица ти се забавуваш на социјалните мрежи. Џим Кери видео на ден во кој бележиме 21 починато лице е одлика на министер? Желен за власт, желен за лајкови, заробен во својата суета сееш ароганција и омаловажуваш. Залудно бришеш, очајот е трајно запишан“, изјавила Марија Митева од ВМРО-ДПМНЕ на денешната прес-конференција.

Извор: Локално.Мк

- Реклами -