Шок во струшко Велешта, по веста дека во терористичкиот напад синоќа во Виена загина, Неџип Вренези, кој по потекло бил од ова струшко село.. Вренези бил роден во Виена, бил со австриски пасош, но редовно доаѓал во родното место на неговите родители.Последен пат бил во јуни годинава. Жителите раскажуваат дека бил добро и мирно дете и пример за околината.
„Беше многу добро дете.Таму беше родено.Неговиот татко има скоро 45 години како е во Виена.Многу добра и ценета фамилија се.Големи работници се.Тешко за фамилијата, но им посакуваме господ да им дава мир и трпение“.
„Она што денес се зборува во Велешта, по синоќешниот настан во Виена е дека 21 годишниот Неџип Вранези од Велешта, пред неколку дена го завршил служењето на воениот рок во Австрија и од утре требал да почне на ново работно место. Всушност вчерашното негово излегување според кажување на велештани било прослава за новото работно место“.
Роднините на Неџип велат дека се уште не можат да поверуваат што се случило.
„Нас ни е внук од братучетка.Жално е ова што се случи за родителите, за нас како роднини но и за сите селани овде.Тој е роден таму и таму живееше.Сега заврши војска таму,како граѓанин со астриски пасош. Од денес требаше да почне со работа.Му се јавил на еден од другарите австријци дека почнува на работа и оти сака да се прослават. Излегле во некое кафуле, но бидејки таму е забрането пушењето внатре,излегле надвор на пушење.Откако ги запалиле цигарите, по неколку минути, пристигнале истрели од оружје од позади.И го погодил него, но неможел да преживее“.
Каба се потсетува дека Неџип бил момче со западен менталитет на живот и однесување, кој пораснал и се образувал таму.Не ги познавал сите во Велешта, но оти со задоволсво доаѓал овде.Вели дека телото на Вренези ќе биде погребано во Велешта.
Miki Trajkoski алсат
