-1 C
Ohrid
четврток, ноември 26, 2020
Почетна Македонија Нема напредок за Бугарија да каже "да" мора прво да ја...

Нема напредок за Бугарија да каже “да” мора прво да ја признаете историската вистина и бугарските корени

Translate (Eng):[gtranslate]

Во моментов Бугарија не е во состојба да ја одобри Преговарачката рамка со РС Македонија. Има Договор за пријателство и добрососедство којшто е потпишан во 2017 година, ратификуван во 2018, но тој се исполнува, вели бугарската министерка за надворешни работи Екатерина Захариева.

Во изјава за БТВ таа објаснува дека позицијата на Бугарија не е нова и дека за тоа има консензус.

„И покрај шпекулациите во Македонија, Бугарија нема претензии за тоа како се определуваат граѓаните на таа земја, но и Македонците не треба да имаат претензии кон бугарската историја. Но, не не загрижува само историјата, туку и јазикот на омраза. Непризнавањето на историската вистина води до сериозни проблеми во односите меѓу двете земји. За разлика од останатите балкански држави, како Грција и Турција со кои имаме споделена историја, со РС Македонија имаме заедничка историја“, изјавила Захариева, обвинувајќи дека „Скопје потпиша Договор, а сега се обидува да го избегне“.

РЕКЛАМА

Според неа, треба да има добра волја да се исполнува потпишаното, а не да се бара начин како да се заобиколи.

„Ние не сакаме бугарско малцинство во РС Македонија, зашто тоа ќе значи признавање на делото на оние кои 75 години работеа на уништувањето на бугарската самосвест на населението таму. Таму треба да се создадат услови за луѓето кои имаат бугарско самосознание да не бидат дискриминирани и да можат слободно да кажат што се“, изјави Захариева.

Според неа, преговарачките тимови треба да работата, но се уште не е постигната согласност за сите прашања за да каже Бугарија „да“. Истото и премиерот Бојко Борисов ѝ го објаснил на канцеларката Ангела Меркел, дека напредокот не е доволен.

Во однос на Заедничката бугарско-македонска комисија и согласноста за 5 личности од средновековието, вели Захариева, важно е дека тој резултат не објавен јавно и не е влезен во учебниците.

„Тоа значи дека резултатот од работата е минимален, бидејќи не допрел до македонското општество“, додава таа.

 

 

- Реклами -