Југослав Николиќ, момчето за кое вчеравечер се собираа донации за да може да се лекува на приватна клиника, починал како последица од Ковид-19.
„Драги мои роднини, пријатели и сите што ова ќе го прочитате, дојде момент да немам друг избор и помош да барам јавно. Јас сум Југослав и сум пациент на клиниката за белодробни заболувања во комплексот Мајка Тереза, позитивен на Ковид-19 и со лоша клиничка слика. Се борам за секој нареден здив, вода пијам голтка по голтка со многу вложен труд и болка бидејќи грлото ми е во рани од кашлица и исплукување крв. Клиниката е преплавена со заболени, лекарите и сестрите борци се борат како последните упорни херои, жртви на воен фронт“, објави тој вчера на Фејсбук.
За жал, на неговиот Фејсбук профил пред неколку минути е објавено дека Југослав починал, со апел повеќе да не се собираат парични средства, а оние што веќе донирале, средствата ќе си ги добијат назад.
