2 C
Ohrid
понеделник, ноември 23, 2020
Почетна Македонија Почина поетот и новинар Панде Манојлов

Почина поетот и новинар Панде Манојлов

Translate (Eng):[gtranslate]

На 72 годишна возраст почина Панде Манојлов, поет, новинар и битолски хроничар.

Манојлов е роден на 2 мај 1948 година во с. Породин, Битолско. Средно образование завршил во Гимназијата „Јосип Броз Тито“ во Битола, студирал правни науки во Загреб и Скопје каде што и дипломирал.

Во македонската литература се појавува во 1967 година, објавувајќи свои песни во тогашните весници „Студентски збор“, „Млад Борец“, „Трудбеник“ и „Нова Македонија“, како и во битолското списание за литература, култура и општествени прашања „Развиток“.

РЕКЛАМА

Тој е автор на 23 книги. Со свои песни и раскази е застапен во избори и антологии во земјава и странство. Негови песни се објавувани во повеќе држави на повеќе јазици, англиски, француски, руски, турски, германски, романски, италијански, арапски, српски, хрватски и други јазици.

Работеше во редакцијата на весникот „Битолски весник“, Битола, а беше член на Друштвото на писатели на Македонија од 1989 година, како и член на Македонското научно друштво-Битола.

Беше и дописник на повеќе весници во Македонија „Остен“, „Македонија денес“, „Австралиско – македонски неделник“ (Мелбурн, Австралија), списанието за иселеници „Македонија“ и др.

Добитник е на повеќе награди и признанија и на највисокото признание на градот Битола наградата 4-ти Ноември.

- Реклами -