Првиот човек на Општина Демир Хисар, Марјанче Стојановски е позитивен на коронавирус. Тој ова го соопшти на социјалната мрежа Фејсбук.
„И, покрај сите препорачани мерки од надлежните здравствени институции за заштита и превенција од корона вирусот, каде доследно ги почитував и во целост ги применував, после денешниот тест за ковид 19, сум позитивен“, напиша Стојановски.
Тој додава дека од вечерва ќе биде во изолација и сите службени обврски и работни активности ќе ги извршува од домашни услови.
РЕКЛАМА
„Да бидеме одговорни, дисциплинирани и совесни, бидејќи само на тој начин ќе ја совладаме пандемијата“, додава Стојановски.
