9.3 C
Ohrid
четврток, ноември 26, 2020
Почетна Македонија Заев: Телефонски му посакав добро здравје на Борисов, па се договоривме повторно...

Заев: Телефонски му посакав добро здравје на Борисов, па се договоривме повторно да се слушнеме !!

Translate (Eng):[gtranslate]

Премиерот Зоран Заев денеска телефонски разговарал со неговиот бугарски колега Бојко Борисов. Како што информираат од владината пред служба најпрво Заев му посакал добро здравје и брзо опоравување од корона вирусот, на што Борисов информирал дека се чувствува многу подобро и дека здравствената состојба му е стабилна.

Во телефонскиот разговор Заев и Борисов размениле информации околу подготовките за претстојниот самит во Софија во рамки на Берлинскиот процес и договориле уште еден телефонски разговор за утрешниот ден на кој ќе биде донесена одлука дали состанокот на премиерите на земјите од Западен Балкан во рамки на Самитот во вторник ќе се одржи со физичко присуство во Софија или целосно онлајн.

Заев и Борисов воедно изразиле меѓусебно уверување дека ќе продолжат да разговараат и директно и преку владините претставници и тимови, со цел изнаоѓање заедничко решение за отворените билатерални прашања во интерес на двете земји и во интерес на европските интеграции.

РЕКЛАМА
- Реклами -