Поранешниот премиер Никола Груевски се огласи од Будимпешта по повод пласманот на фудбалерите на Европското првенство.
Тој смета дека вложувањата во инфраструктурата за време на владата која тој ја предводел, довела до овој историски успех.
Еве дел од пишувањето на Груевски на својот профил на Фејсбук:
„Се покажа дека тој концепт и тој проект кој тогаш го формираше владата, Министерството за образование и наука тогаш предводено од Спиро Ристевски и Агенцијата за спорт и малди, тогаш предводена од Марјан Спасовски, во непосредна и одлична соработка со фудбалската федерација на Македонија тогаш предводена од Илчо Георгиевски беше токму она што недостасуваше. Помогна и дополнителниот ангажман кој во тие години го направи ФФМ во ангажирањето на неколку фудбалери со потекло од Македонија но родени и израснати во Швајцарија, Хрватска и други држави од кои двајца денес беа дел од тимот. Секако огромна беше улогата и неколку искусни играчи од претходната генерација и неколку други кои не се дел од академијата. Инвестициите во 50 фудбалски терени за голем фудбал, изградбата на националната арена Филип Втори Македонски, изградбата на околу 100 мултифункционални игралишта, околу 110 спортски сали, спортскиот центар Борис Трајковски итн, со овој успех уште еднаш се покажаа како правилна инвестиција и добија уште поголема смисла. Кога ќе се изгради база која произведува добар кадар(академијата), инфраструктура(терените и салите), кога поискусните ќе добијат подршка од новите таленти и кога ќе се соберат најдобрите на едно место и ќе играат со љубов за Македонија, успехот е неминовен“.
ЧЕСТИТКИ ЗА МАКЕДОНСКАТА ФУДБАЛСКА РЕПРЕЗЕНТАЦИЈА ЗА ДЕНЕШНАТА ПОБЕДА И ЗА ПРВИОТ ПЛАСМАН НА ЕВРОПСКОТО ФУДБАЛСКО…
POSTED BY NIKOLA GRUEVSKI ON THURSDAY, NOVEMBER 12, 2020
