13 C
Ohrid
вторник, ноември 24, 2020
Почетна Македонија Медицинските сестри до Филипче: Кого попрво да гледаме – пациентите или учениците?

Медицинските сестри до Филипче: Кого попрво да гледаме – пациентите или учениците?

Translate (Eng):[gtranslate]

Унијата на ЗМСТАС предводена од Здружението на медицински сестри, техничари, акушерки и стоматолошки сестри „За нас“ реагира на последната изјава и предлог – идеја на министерот за здравство Венко Филипче за можно ангажирање на учениците од четврта година од средномедицинските училишта во ковид центрите како помош на медицинскиот кадар.

Унијата смета дека ваквата идеја не е безбедна за учениците и предупредува оваа идеја да не прерасне во одлука.

„Сметаме дека во еден ваков период кога се носат мерки за зачувување на здравјето на учениците и се препорачува онлајн настава со цел да се намали трансмисијата во училишните клупи не е соодветна идеја малолетни ученици и недоусовршен кадар од средномедицинските училишта да биде впуштен директно во најголемите жаришта на оваа пандемија.

РЕКЛАМА

Ние, професионалците од сестринската професија сметаме дека ризикот е многу голем. Во една за нас исклучително тешка ситуација со две медицински сестри на 30 пациенти, ангажман на учениците како помош дополнително би ги отежнало работите, пред сѐ, ризикот и нивната безбедност, и нашата одговорност за нив кои треба да учат – практицираат, а ние треба да ги менторираме. Учениците ако се заразат можеби ќе поминат асиптоматски, но што е со нивните најблиски? Ако е ова решение недовршени кадри да нѐ надополнуваат ги имаме четирите високо образовни институции за идните дипломирани медицински сестри кои барем се полнолетни“, се наведува во реакцијата на извршниот одбор на Унијата.

Извор: Плусинфо

- Реклами -