Ентони Фаучи, водечкиот експерт на американската влада за заразни болести, ги предупреди Американците откако фармацевтската компанија Модерна објави дека нивната вакцина е 95% успешна.
Фаучи во интервју за Си-ен-ен изјави дека секоја вакцина против коронавирусот ќе биде „дополнителен слој на заштита“.
„Секако, со вакцина која има ефикасност поголема од 90%, можеме да се чувствуваме многу подобро. Но, сепак, би им препорачал на луѓето, откако ќе бидат вакцинирани, да не ги отфрлаат другите јавно-здравствени мерки како што се миење раце, носење маски и држење дистанца“, рече Фаучи.
