Бугарското МНР апсурдно тврди дека Тито не смее да се слави во ЕУ. Чудо е што Словенија и Хрватска влегоа во ЕУ (јас сигурно сум ги промашил сите македонски славења на Тито), напиша Флоријан Бибер, професорот на универзитетот во Грац, експерт за политиката и историјата во Југоисточна Европа.
Тој на својот твитер-профил го искоментира ставот на бугарската министерка за надворешни работи, Екатерина Захариева, која објаснувајќи го спорот со Македонија порача дека не може државата од една страна да сака да влезе во ЕУ, а истовремено да го слави, како што рече, „еден од најмрачните диктатори – Тито“.Бугарската министерка за надворешни работи Екатерина Захариева повтори дека Македонија не е подготвена да почне преговори со ЕУ и го обвини Скопје за ширење омраза кон Бугарија.
„Од една страна, не можете да сакате да влезете во ЕУ и да го демократизирате општеството, а во исто време да славите еден од најмрачните диктатори – Тито. Ако продолжиме да ги затвораме очите кон фактот дека оваа земја продолжува како што замислиле Тито и Сталин, ние со тоа ѝ вршиме услуга на Москва“, рече Захариева.
Bulgarian MFA claims absurdly that one cannot celebrate Tito in the EU. It's a miracle that Slovenia and Croatia entered the EU (I must have also missed all the Macedonian Tito celebrations) https://t.co/rWGJirPcHI
— Florian Bieber (@fbieber) November 15, 2020
