13.9 C
Ohrid
петок, април 25, 2025
ПочетнаМакедонијаДесет месеци голгота: Ни трага, ниту глас од исчезнатата Марија Брзакова

Десет месеци голгота: Ни трага, ниту глас од исчезнатата Марија Брзакова

spot_imgspot_imgspot_imgspot_img
spot_img

Десет месеци трае потрагата по исчезнатата Марија Брзакова (28) од Босилово, а од неа нема ниту трага, ниту глас. Таа исчезна на 18 јануари годинава во утринските часови, а по нејзиното исчезнување истрагата ја води Основното јавно обвинителство во Струмица.

<

Според информациите оттаму, отворена е предистражна постапка, која се уште трае, но нема нови детали, а истата нема да биде затворена додека таа не се пронајде.

Обвинителството разгледува повеќе можности на случајот-дали младата мајка навистина е исчезната, можноста од самоповредување или одземање на сопствениот живот, но и можноста од насилна смрт. Биле разгледани снимки од камери во селото Босилово и неколку патни правци околу селото. Потврдено е дека Брзакова не ја напуштила државата, бидејќи не е регистрирана на ниту еден официјален граничен премин дека излегла. Биле земени изјави од најблиските, а проверени се и нивните телефони, но и од таму нема информации за исчезнувањето на Брзакова.

Подолго време нејзиното име е на листата на исчезнати лица на МВР, а пред неколку месеци таа интензивно се бараше и со апели на социјалните мрежи. На повеќе локации во Струмица беа поставени и флаери со нејзини фотографии и контакт броеви на кои што може да се обратат граѓаните.

Неколку денови по нејзиното исчезнување стотина ловци и граѓани, во координација со полицијата, трагаа по Брзакова по течението на реките Турија и Струмица, канали, по полето, дури и по браните на Дрвош и Иловица и Моноспитовското блато.

Дваесет и осумгодишната Марија Брзакова исчезна на 18 јануари годинава. Според информациите од блиските била облечена во тренерки во темна боја, на нозете имала патики или влечки, со себе не носела ташна, мобилен или било каков документ. Висока е околу 160 сантиметри, средна градба, со долга костенлива коса, а исчезнувањето во полицијата го пријавил нејзиниот сопруг.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Општина Дебрца, во соработка со ЈПКД-Дебрца, успешно го заврши проектот за поставување на нови водоводени краци во село Сливово.

Општина Дебрца, во соработка со ЈПКД-Дебрца, успешно го заврши проектот за поставување на нови водоводени краци во село Сливово. Наместо првично планираните 600 метри,...

Почина Алајдин Сулејмани од Арачиново, кој беше тешко повреден денеска во пукотници на Бит Пазар

Алајдин Сулејмани (30) од Арачиново им подлегнал на тешките повреди кои ги здоби денеска од истрели во близина на Полициската станица – Бит Пазар....

Пронајден е возачот кој во Охрид удри пешак и избега од местото, против него ќе биде поднесена соодветна пријава информираат од МВР.

Пронајден е возачот кој во Охрид удри пешак и избега од местото, против него ќе биде поднесена соодветна пријава На 24.04.2025 во 22.40 часот во...

Опожарено возило на улицата Македонски Просветители во Охрид – брзата интервенција спречи поголема несреќа

Опожарено возило на улицата Македонски Просветители во Охрид - брзата интервенција спречи поголема несреќа Денеска околу 14:00 часот, на улицата Македонски Просветители во Охрид избувна...