По кратка битка со коронавирусот утрово почина познатиот македонски ракометен работник, Саше Ѓорѓески.
Ѓорѓески своевремено беше ракометар, кој настапуваше во Гостивар, но и во Суперлигата во екипата на Југ, пред да ја заврши кариерата поради повреда и да се префрли во судиските води.
Имаше долга и успешна судиска кариера во пар со Васе Зипевски. Откако пред две години заврши со судиската кариера, продолжи како делегат и беше активен сè до моментот на неговото прерано заминување.
Саше Ѓорѓески е татко на голманот Даниел Ѓорѓески, кој моментално настапува за Металург, а претходно беше дел од Вардар, Пелистер, Работнички…
