Министерот за здравство Венко Филипче, објави дека побарал од ДСЗИ да извршат инспекциски надзор во ГОБ„ 8 Септември“, а поврзано со третманот на пациент заразен со Ковид-19.
-Утрово, од ДСЗИ побарав да извршат вонреден инспекциски надзор за утврдување на возраста на пациентите хоспитализирани во ГОБ „8 Септември“, откако на социјалните мрежи и во медиуми излезе информација дека наводно пациент кој требало да се хоспитализира во ковид центарот во таа болница бил вратен поради неговата возраст. Во ГОБ „8 Септември“ од 107 лежечки пациенти, 38 се на возраст од 68 до 88 години.
