295 припадници на армијата и 150 полицајци се планира да бидат ангажирани во ковид кризата во земјава, рече на денешната прес конференција в.д. директорот на ЦУК, Стојанче Ангелов. Како што кажа тој, вкупниот број нема веднаш да се најдат распоредени низ државата, туку, бројката е еластична и ќе зависи од потребите на теренот.
– Владата има седница денеска во 12 часот, каде треба да се усвои предлогот и потоа ќе биде даден кај врховниот командант, претседателот на државата, Стево Пендаровски.Претседателот со одлука ќе донесе наредба за ангажман на Армијата како поддршка на полицијата – рече Ангелов.
Тој повтори дека Армијата ќе биде невооружана и исклучиво ќе биде придружба на полицијата за оддржување на редот пред болниците и ковид центрите.
Војниците ќе бидат распоредени во Клиничкиот центар односно таму каде што има голема френкфенција на граѓани. Врз основа на проценка Армијата ќе се рапределува и во другите градови.
Ангелов рече дека во приватните болници нема да бидат распределени војници бидејќи тие имаат сопствено обезбедување.
