Следната недела се очекува одлука дали дополнително ќе се намали работното време на угостителските објекти за Новогодишните празници.
Од Инспекцискиот совет најавија засилени контроли периодов, со цел да се спречи организација на предновогодишни и новогодишни прослави.
– Апсолутно дека ќе има засилени контроли, но ќе зависи од тоа како ќе биде решението. Инспекциските служби не учествуваат во процесот на донесување одлуки дали ќе работат, нема да работат, дали ќе има некакви промени во однос на работењето на угостителските објкети. Во зависност од тоа што ќе се одлучи, така и ќе се организираме, рече Магдалена Филиповска Грашкоска, претседател на Инспекцискиот совет.
Министерот за внатрешни работи Оливер Спасовски рече дека се следат огласите за издавање станови, викендици и други објекти во пресрет на новогодишните и божиќни празници, а очекуваат и став од Комисијата за заразни болести..
