14.6 C
Ohrid
сабота, јуни 12, 2021
Почетна Македонија Арачиново 21 активен случај 500.000 евра државна помош, Прилеп 920 активни нула...

Арачиново 21 активен случај 500.000 евра државна помош, Прилеп 920 активни нула помош?

Translate (Eng):[gtranslate]

Гази Баба 1615 активни случаи, Аеродром 1535, Кисела Вода 1435, Карпош 1370, Центар 1232, Арачиново 21 случај, вакви се бројки на активни случаи во последните денови во скопските општини. Неповратна парична помош од 30 000 000 денари за последиците од Ковид 19 добива општина Арачиново со само 21 активен случај, другите општини барем засега за ваква помош извисија – објави “АЛФА ТВ”

 

Бројките и во другите градови се алармантни, Тетово 998 активни случаи, Гостивар 883, Прилеп 920…но за овие општини пари за справување со последиците со вирусот не се дадени.

РЕКЛАМА

По што е толку посебно Арачиново, со што се издвојува за да биде привилегирано и да добие половина милион евра помош од Владата. Побаравме одговор од надлежните институции, но од таму само молк, а прашавме.

По кој критериум е одбрана токму општина Арачиново за неповратна парична помош?

Зошто се даваат пари во ваков вид на помош токму овде, а не на другите општини кои имаат многу поголема бројка на заболени од Ковид 19?

Ваквата распределба на народни пари не ги вознемири другите општини кои на чело имаат луѓе кои се дел од власта, ама сепак барем засега не добија ваква помош.

Дел од најголемите скопски општини не се чувствуваат обесправени, тие добиле исто така пари, ама за инфраструктурни проекти во нивните општини. Се уште останува неодговорено дали Арачиново покрај оваа помош, ќе добие и пари за инфраструктурни проекти, па ќе се офајди и од овие пари.

Социјалните мрежи по информацијата за 500 000 евра помош за Арачиново вријат.

Следно е Арачиново да прогласи независност. Да беше живо СЈО сеа требаше да отвори предмет: Откуп. После помошта во кеш ќе продолжиме ли да помагаме и со струја?

Прашуваат и ако Арачиново добило толку пари, колку пари треба да се доделат во вид на ваква помош во другите градови.

ИЗВОР: “АЛФА ТВ”

- Реклами -