Во Софија како последица на компликации од Ковид 19 почина гинекологот Николче Дамчевски, познат по измамите на бремени пациентки.
Тој во јавноста стана познат откако беше осуден на 2 години затвор поради тешки дела против здравјето на луѓето, за измама на пациентка дека таа била бремена. Лекарска комора му ја одзема лиценцата на 8 години, а тој избега во Софија каде продолжи со дејноста.
Но, Дамчевски кој беше државјанин на Бугарија, од Медицинскиот центар „Мајчин дом“ во Софија доби отказ, откако од македонските медиуми беа информирани за тоа дека против него се води процес и одземена му е лиценцата за работа.
