Премиерот Зоран Заев соопшти дека владата на денешната седница донесе одлука да ги прифати препораките на Комисијата за заразни болести за дополнителни рестриктивни мерки за празниците.
<
Тоа значи дека угостителските објекти ќе работат до 18 часот, а не како досега до 21 часот, се забранува организирање на предновогодишни и новогодишни прослави на отворен и во затворен простор, а има и препораки и до верските заедници за прославата на верските празници.
Овие мерки започнуваат од в петок 18 декември и ќе важат до 20 јануари на полноќ.
Премиерот Заев рече дека тие се свесни дека се работи за непополарни мерки, но дека треба да се избере меѓу задоволството и профитот од една страна и одговорноста и здравјето на граѓаните од друга страна.
