Министерот за внатрешни работи, Оливер Спасовски, најави дека од следната недела полицијата ќе започне со засилени контроли на викендиците, кои се забранети за издавање заради групирање и не смеат да се огласуваат за таа намена во наредниот период.
непопуларни мерки кои се неизбежни, а пред сè да си помогнеме самите на себе. Имаме оперативна акција во издавањето на викендиците, веќе работат колегите и постапуваме превентивно до издавачите за да знаат со што се соочуваат. Акционите планови се изготвени. Започнуваат засилени контроли од наредната недела и ќе ги има во текот на новогодишната ноќ“, рече Спасовски, а како примери ги спомена Сопиште, Маврово, Струга.
Тој упати апел до издавачите на викенд куќи да внимаваат при издавањето на викенд куќи, а полицијата ќе постапува врз основа на законот.
„МВР ќе постапува врз основа врз основа на законот. Таму каде имаме сознанија дека има групирања на лица, во издадени викенд куќи, ќе се направи увид и ќе се поднесе пријава. Тоа е кривично дело. Апел до издавачите, колку и да пари добивате за таа вика или викендица за новогодишната вечер, не се доволно за чувството дека ќе допринесете за здравјето на граѓаните. Да помогнеме на лекарите, државата, системот. Сите заедно да ги почитуваме мерките, ќе дојдат моменти на запирање на вирусот и организирање на прослави“, додаде Спасовски.
