Град Скопје извести дека возачот кој со автомобил се паркираше на Плоштад Македонија и се молеше пред споменикот на Цар Самоил во Скопје е казнет со 50 евра.
„По објавеното видео на социјалните мрежи, каде што е прикажано непрописно паркирање на јавна површина на улицата Македонија, градските инспектори веднаш реагираа и го казнија сторителот со казна од 50 евра“, објави градската служба.
На социјалните мрежи се појави ново видео на кое се гледа дека возач повторно со автомобилот влезе на плоштадот во Скопје. Може да се забележи како возачот клекнува и се крсти пред споменикот на Цар Самоил. Претходно, арачиновец влета на плоштад, за што доби парична казна од 45 евра.
