Бугарскиот премиер Бојко Борисов на својот Фејсбук профил се пофали дека Софија продолжува да ги зацврстува односите со Белград. Тој имал телефонски разговор со српскиот претседател Александар Вучиќ на кој се договориле за продлабочување на соработката во сферата на инфраструктурата и енергетиката.
„Шест месеци порано од предвиденото беше пуштен во употреба првата делница долга 17 километри од автопатот ′„Европа“, меѓу Драгоман и Сливница. За една година ќе биде готов целиот автопат од Софија до Белград. Во областа на енергетиката, продолжува работата на енергетските проекти во Бугарија, а Србија станува транзитна земја на гас. Работиме на изградба на уште еден интерконектор во Софија за да обезбедиме безбедност на снабдувањето со енергија со Србија – вели бугарскиот премиер Борисов.
LIBERTAS
