15 C
Ohrid
четврток, мај 6, 2021
Почетна Македонија Прилепчани верни до традицијата: Го исекоа мразот на замрзнатото Плетварско езеро во...

Прилепчани верни до традицијата: Го исекоа мразот на замрзнатото Плетварско езеро во форма на крст.

Translate (Eng):[gtranslate]

За прв пат во Македонија млади спортисти од Прилеп годинава го одбележаа празникот Богојавление или Водици со капење во планински води, на замрзнатото Плетварско езеро. Претходно тие направија дупка во форма на крст, во мразот дебел 15-тина сантиметри, во која влегуваа три пати. Велат дека досега никој го нема направено ова во планински води за овој голем ден за Православните христијани. Досега се фрлале по Светиот крст во базените во градот, но чувството тука било многу поразлично. Се надеваат дека ова ќе остане и како традиција.

„Во духот на верата и традицијата оваа година група спортисти на еден поинаков начин решивме да го одбележиме големиот празник Богојавление Христово. Целото езеро е замрзнато со мраз со дебелина од 15-тина сантиметри, дојдовме тука од раните утрински часови да го подготвиме теренот, направивме дупка во мразот во форма на крст за да го одбележиме овој голем ден“, вели Дарко Неданоски, спортист.

„Ова ми е втор пат како го одбележувам овој ден со влегување во водите, лани се фрлав по крстот, а годинава со оглед на пандемијата е поразлично. Ова е една убава традиција која се прави за здравје“, рече Наумче Трајкоски, спортист.

РЕКЛАМА

Сител

- Реклами -