8 C
Ohrid
петок, март 5, 2021
Почетна Македонија Николовски: Денес директорот на струшката болница Асани, го повикавме да дојде во...

Николовски: Денес директорот на струшката болница Асани, го повикавме да дојде во Влада

Translate (Eng):[gtranslate]

Љупчо Николовски, вицепремиерот за борба против корупција, на денешната прес-конференција рече дека Мухамед Асани, директорот на болницата во Струга, е повикан во Владата да реферира по откривањето дека има ординација која работи на диво.

Вицепремиерот рече дека во меѓувреме е поднесена кривична пријава до Јавното обвинителство од страна на Државниот здравствен и санитарен инспекторат. Инаку, случајот со д-р Асани излезе на виделина откако жена од Дебар обвини за несовесно породување при што и се отстранети неколку органи.

– Поднесена е иницијатива до ОЈО од страна на инспекторатот. Тимовите ги разгледаа сите прозивки и информации кои беа доставени до мене. Направен е надзорот и констатирана е дивата ординација. Веќе ги имаме нотарските изјави дека се вршени прегледи после 15.00 часот, рече Николовски.

РЕКЛАМА

Сепак, вицепремиерот не беше конкретен дали Асани ќе добие отказ како директор на болницата.

– Се очекува стручниот надзор од Министерството за здравство да заврши за да можеме до крај да расчистиме, рече тој.

- Реклами -