Левица поднесе иницијатива до Уставниот суд со кој ја спори уставноста на донесениот Закон за попис.
„Со цел да се прошверцува, беше ставено европско знаменце, но сите пет европски регулативи се лажно фингирани. Нема законски дефиниции, нема утврдена методологија, нема образец за прашалник, нема утврдено резидентно население, итн“, рече лидерот Димитар Апасиев во обраќањето.
Според претседателот на партијата, Законот за попис ја повредува приватноста, со тоа што дава можност да се даваат лични податоци за отсутен член на домаќинството
„Дополнително, Законот за попис е во директна колизија со дури три специјални закони кои се однесуваат на Системот на кризен менаџмент кој е веќе покренат. Имено, до 30-ти јуни имаме прогласено кризна состојба и до овој датум не е возможно правно да се спроведе попис“, рече Апасиев.
Тој побара статистичката операција да биде одложена барем за една година.
фактор
