12.1 C
Ohrid
четврток, април 24, 2025
ПочетнаМакедонија91 годишната бабичка од Кичево повторно си ја доби куќата која и...

91 годишната бабичка од Кичево повторно си ја доби куќата која и беше неправедно одземена !!!

spot_imgspot_imgspot_imgspot_img
spot_img

Нафије Салиу го доби назад својот имот кој му го подари на Беким Сефери. Го посетивме домот на 91-годишната каде беше присутен и Беким и Народниот правобранител во Кичево, Илбер Руфати. Беким вели дека ја молел Нафије да дојде во неговиот дом, но таа сакала да остане во куќата во која живеела со својот починат сопруг. Тој вчера на Нафије ѝ понуди три опции:

<

БЕКИМ: Ќе дојдеш кај мене, да дојдам јас тука да се грижам за тебе, или ќе го вратат имотот и куќата? Како сакаш ти.

Нафије избра да ѝ биде вратен имотот, а Беким ѝ ја исполни желбата, иако како што вели, доброволно му го подариле, бидејќи тој, сѐ до смрт се грижел за сопругот на Нафије.

„Без никаков интерес, туку во името на Алах се грижев за нејзиниот сопруг кој беше неподвижен до последниот здив. Потоа г-ѓа Нафије и нејзините браќа ми го подарија имотот, иако на почетокот одбив да го прифатам. Ми рекоа дека сопругот на Нафије го оставил тоа во аманет, бидејќи се грижев за него како да е мој родител. Така, продолжив да се грижам и за госпоѓата и по смртта на нејзиниот сопруг. Го испратив брат ми со неговата невеста за да не биде сама навечер, со оглед на тоа што моето семејство има повеќе членови, а во таа куќа ќе немаше место за сите. Но, по некое време таа го избркала братот од куќата и тој си замина за таа да не се чувствува лошо во сопствена куќа која веќе беше на негово име. Од тој момент одбива да комуницира со нас, се сомневам дека некој манипулира со неа“, истакна Беким Сефери.

Но, по сите обиди и по настанатата ситуација, Беким Сефери одлучил да ѝ го врати имотот и да се грижи за неа кога ќе ѝ запотреба, без никаков интерес.

„Сега во присуство на Народниот правобранител, муфтијата и Вашиот медиум ја замолив да дојде во мојата куќа или јас да се грижам за неа во нејзината куќа, но таа повторно одби. Со оглед на тоа дека одбива да се грижам за неа како што со години се грижев за нејзиниот сопруг, сакам да ѝ го вратам имотот и куќата на госпоѓата. Сакам да истакнам дека никогаш не ѝ беше вршен притисок да ја напушти куќата, а јас не го продадов имотот. Ве молам, да не се злоупотребува моето име и мојот интегритет со невистини. Сведок ми е Семоќниот Алах за сѐ што имам. Ќе ѝ го вратам имотот и ќе продолжам колку можам да ѝ помагам повторно кога и да ѝ затреба“, посочи Беким Сефери.

Нафије Салиу му се заблагодари на Беким што ѝ ја врати куќата и за грижата што ѝ ја укажувал изминатите години. Таа е пресреќна и им се заблагодарува на сите за поддршката.

„Алах нека ве награди сите, Господ да ви даде сѐ. Вие ми пруживте рака мене, Господ нека ви пружи рака вам. Јас немам со што да ве наградам, немам како да ви се оддолжат. Господ нека ве награди вас“, вели Нафије Салиу.

Му се заблагодари и на Беким што ја испочитувал нејзината желба.

„100 пати благодарам“, додава Нафије Салиу.

Народниот правобранител во Кичево, Илбер Руфати, вели дека постојано ќе бидат на терен со цел правдата секогаш да биде задоволена.

„По долга дискусија, постигнавме договор каде што странките изразија слободна волја имотот на баба Нафије да ѝ биде вратен, но процесот на враќање ќе биде спроведен по изготвување на напишан правен акт кој ќе биде заверен нотарски. Изразувам голема благодарност до вас и до сите страни кои беа вклучени во овие четири дена и сакам да кажам дека Народниот правобранител секогаш ќе биде во заштита на граѓаните“, вели Илбер Руфати.

Нафије во 2013 година ја препишала куќата на Беким Сефери, кој пак во 2014-та ја пренел на името на неговиот брат, со цел, како што вели, 91-годишната Нафије да не седи сама. Но, како што се чини ова не ѝ се допаднало на Нафије, и по кратко време, одбила за неа да се грижи Беким, и неговиот брат. Од тогаш за неа се грижат соседите.

Изминативе денови на интернет се отворија неколку лажни профили каде пишува дека се бара помош за Нафије, информации кои се користат за лична корист, бидејќи таа нема потреба од финансиска помош. Ова го истакнуваме со цел да не се злоупотребуваат хуманите луѓе.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Исчезнувањето на Симона не е пријавено во МВР!

Дали Симона, поради чие наводно исчезнување се крена земјата на нозе, навистина е исчезната? Официјално, барем до сега, никој не пријавил исчезнување на лице...

Христово Воскресение 2 ден во Дортмунд- Германија

Христово Воскресение 2 ден Дортмунд ____ На вториот ден Велигден,Македонската Црковна општина св.Кирил и Методиј од Дортмунд имаше чест да биде посетена од Неговото Високо преосвештенство...

Исчезната е Симона Стојкова- Доколку некој има информации веднаш да пријави во МВР !!!

Краток опис Симона Стојкова има кафена коса и кафени очи со висина од 175 см и е на возраст од 35 години. Носи наочари и...

Викторија Трајков: Со градоначалникот Пецаков ја посетивме инклузивната игротека „Радост“ која е цел нов свет за околу 20 дечиња со церебрална парализа од Охрид...

Со градоначалникот Пецаков ја посетивме инклузивната игротека „Радост“ која е цел нов свет за околу 20 дечиња со церебрална парализа од Охрид и околината,...