23.6 C
Ohrid
понеделник, јули 26, 2021
Почетна Македонија Заев: Опозицијата ги минира напорите за развој на државата- Застануваат буквално против...

Заев: Опозицијата ги минира напорите за развој на државата- Застануваат буквално против секој важен процес за државата

Translate (Eng):[gtranslate]

Премиерот Зоран Заев во интервју за „Капитал“ изрази жалење дека голем дел од постапките што ВМРО-ДПМНЕ ги прави во Собранието и надвор од него, се блокади, лажни вести и манипулации кои, како што рече, се опасни и штетни по државните и национални интереси, по интересите на граѓаните.

-Застануваат буквално против секој важен процес за државата, од напредокот во НАТО и ЕУ, преку борбата со коронавирусот, па еве деновиве гледаме дека се и против пописот“, рече Заев.

Премиерот подвлече дека Мицкоски се обидува да ги минира сите напори за развој на државата, но на другата страна се силната и отворена Влада заедно со македонските граѓани.

РЕКЛАМА

-Оваа, демократската страна веќе четврта година по ред ги победува ретроградните и опасни политики на Груевски и Мицкоски. За сите прашања од интерес на граѓаните можеме да продискутираме, но тоа бара одговорно однесување, а не постојано повторување на мантрата „колку полошо за државата, толку подобро за ВМРО“, рече Заев.

 

Според него, ако имаат алтернатива нека ја покажат на конструктивен и аргументиран начин наместо со ситно политиканство да ја отежнуваат состојбата.

-ДПМНЕ има и обврска и одговорност да не ги блокира заеднички прифатените стратешки приоритети на нашата земја како што е членството во ЕУ, подинамичен економски раст, одржлив развој, ефикасна правна држава и силни институции, модерно образование, внатрешна кохезија, успешно и ефикасно справување со светската пандемија со Ковид-19, рече Заев.

- Реклами -