Заменик-претседателката на СДСМ, Радмила Шекеринска очекува да се пријават повеќе кандидати за претседател на партијата на претстојните внатрепартиски избори напролет, но не верува дека ќе биде загрозена позицијата на актуелниот партиски претседател Зоран Заев.
„Се надевам дека ќе има противкандидати со што процесот ќе биде поквалитетен. Ако е само еден кандидат, тоа ќе ја намали важноста на процесот. Подобро е да имаме противкандидати, иако може нема да бидат фаворити, затоа што актуелниот претседател победи на локални избори, на парламентарни, на претседателски избори“, рече Шекеринска во Топ Тема на Телма.
Раководството на СДСМ претходно на онлајн конгресот ја промени одлуката за внатрепартиското раководство да се избира преку делегатите и наместо тоа, да гласаат сите членови на партијата.
