Милијардерот Бил Гејтс во разговор со јутјуберот Дерек Милер најбора низа катастрофи кои му се закануваат на човештвото и на кои луѓето не се спремни.
Биотероризам
Гејтс, кој ја предвиде пандемијата во 2015 година, му кажа на Милер дека биотероризмот – кога некој сака да предизвика штета со создавање вирус – е новата „катастрофа“ на која луѓето не се подготвени.
„Имаме повеќе шанси да налетаме на вирусот кој е пострашен од природната епидемија како оваа постоечката“, кажа Гејтс.
Ова не е првпат Гејтс да предупредува на биотероризмот како закана полоша од нуклеарна војна. Гејтс во 2017 година на Редит одговарајќи на прашања на обожаватели кажа: „Ме загрижуваат биолошките оружја кои биотерористите би можеле да ги користат“.
Истата година милијардерот на Телеграф кажа дека би било „релативно лесно“ во лабораторија да се направи нов вирус на грипот. За разлика од нуклеарната војна, кажа тој тогаш, кога болеста ќе се пушти, таа нема да престане да убива.
Климатските промени
Следната катастрофа која ќе нè дочека неспремни се климатските промени, кажа Гејтс. „Бројот на мртвите ќе биде поголем отколку во оваа пандемија“, предупреди тој.
Минатата година, Гејтс на својот блог наведе дека климатските промени ќе бидат исто така смртоносни како пандемијата и дека до 2100 година ќе бидат пет пати посмртоносни.
„Во следните деценија или две, економската штета предизвикана од климатските промени ќе биде исто толку голема како секои десет години да сме погодени од пандемијата како оваа со ковид-19“, кажа тој. „До крајот на векот, ако светот продолжи вака, ситуацијата ќе биде многу полоша“.
Нова пандемија
Гејтс на Милер му кажа дека, и покрај лекциите кои ги научивме во пандемијата со коронавирусот, нова пандемија повторно би можела да предизвика хаос. Неговиот совет е светот да биде подготвен за бројот на умрените да не биде толку висок.
„Среќни сме што бројот на жртвите не е екстремно висок, но мораме ова нешто да го пресечеме од корен. И понатаму многу земји ќе бидат загрозени, но бројот на жртвите, со вистинскиот систем, би бил десетина од она што сега го претрпевме“, кажа Гејтс.
мкд.мк
