На денешната прес-конференција Претседателот на Ракомететната Федерација на Македонија, Живко Мукаетов информираше дека на одржаната Седница на Управниот Одбор на РФМ, членовите на Управниот Одбор на РФМ едногласно го усвоиле предлогот за назначување на Кирил Лазаров за Селектор/Тренер на сениорската машка ракометна репрезентација.
На прес-конференција присуствуваше и Кирил Лазаров, кој се заблагодари на доверената поддршка од страна на РФМ и информираше дека во периодот кој претстои ќе бидат објавени и соработниците, членовите на новиот стручен штаб.
Лазаров на селекторското место го наследува Данило Брестовац кој доби отказ по неодамнешното Светско првенство во Египет.
