Мерката ќе може да ја искористат компаниите што покажуваат пад во работењето во последните три месеци (ноември, декември и јануари) во споредба со истите месеци во 2019 година, ако имаат повеќе од 30 отсто пад
Со петтиот антикризен пакет, за поддршка на плати во февруари и март 2021 година се обезбедени 1,92 милијарда денари. Со оваа прва мерка ќе бидат опфатени околу 60 000 работници месечно, а поддршката ќе биде скалеста во износ од 14 500 до 21 776 денари.
Како што рече денеска премиерот Зоран Заев, образложувајќи го детално петтиот сет, оваа мерка е опциска, односно компаниите ќе може да ја користат или неа или втората мерка – за кредити со нула проценти камата во дејностите туризам, занаетчиство, угостителство, индустрија за организирање настани, транспорт, приватни здравствени установи.
„Ова е последно помагање со плати, чесно е Владата да ја испрати оваа порака, бидејќи очекуваме излез од кризата, раст и развој, тоа се случува во светот, ги следиме трендовите и така ќе биде. Но, државата е тука и продолжува понатаму будно да следи и да им се најде на работниците и на компаниите“,
потенцира Заев.
360
