28 – годишната Елена Манасиева и нејзините три дечиња на возраст од два месец до четири години за 25 дена добија нов дом. Хуманитарецот Александар Ѓеорѓиевски, која на македонската јавност и е познат по голем број на хуманитарни акции, а како поранешен пожарникар учествуваше и во спасување на луѓе во земјотресот во Хрватска успешно ја заврши и оваа мисија.
За случајот дознал преку статус на социјалните мрежи. Откако и лично се уверил во какви услови живеат, за неполн месец со мајстори и донации од малите и средните фирми го изградија домот на ова семејство, објави Телма.мк.
Децата на Елена веќе нема да се капат во корито или по надвор. Лани поради неуранетост и премрзнатост едно од нејзините рожби и починало. Среќна е што од денеска ќе влезат во новиот дом.
Живее со социјална помош и детски дототок, скромните примања и одат за плаќање на сметки за струја. На оваа жена потребна е и елементарна помош во храна и облека, а поранешниот штипски пожарникар Александар најавува дека по оваа завршена мисија ќе следи и нова, но смета дека е неопходна и поддршката од медиумите, но и од големите компании, кои ретко донираат.
