17.4 C
Ohrid
понеделник, септември 20, 2021
Почетна Македонија Угостителите предлагаат: Свадби под маски, да се вади маската кога ќе се...

Угостителите предлагаат: Свадби под маски, да се вади маската кога ќе се јаде

Translate (Eng):[gtranslate]

Да ни се дадат ригорозни протоколи според кои ќе работиме. Нема да има традиционална македонска свадба. Од шест до осум гости да седат на иста маса, тоа ќе бидат луѓе од иста фамилија. Наше лице ќе ги смести на маса, ќе бидат со маски, единствено ќе ги симнуваат маските кога ќе вечераат или одат до тоалет. Бендот ќе свири на пет метри од првата маса. Ова е дел од протоколот кој го понудиле организаторите на свадби до Владата.

Перица Голомеиќ, еден од организаторите на протестот, ова го соопшти во разговор за ТВ21.

Тој на протестот којшто се одржува на раскрсницата на булеварот Александар Македонски во Автокоманда побара Владата да им дозволи да работат на организаторите на свадби, ноќните клубови на фотостудијата и музичките бендови.

РЕКЛАМА

– Ние не работиме затоа што ни е забрането. Нашата примарна дејност е спречена. Владата ни даде неколку плати за вработените , а остатокот и покрај што не работевме цела година им ги исплаќавме сами на вработените. Свесни сме за епидемиолошката состојба и во прва фаза не бараме да одганизираме традиционална македонска свадба, туку да работиме под исти услови и протоколи како и другите – рече Голомеиќ.

Тој ја прокоментира и изјавата на министерот за економија Крешник Бектеши кој рече дека во четвртиот пакет мерки добиле грантови.

– Нека ни каже дали со 10.000 евра може цела година да се одржуваат објектите од 1000 квадратни метри. Ние не остваруваме никаков профит една година, а банките не притискаат за плаќање на кредитите. Ние не бараме да не работиме, туку обратно да ни се даде шанса да работиме и да не ја пропуштиме сезоната – рече Голомеиќ.

Тој соопшти дека покрај во Скопје денеска се протестира и во Гостивар и најави дека наредните денови протестите се прошируваат во сите градови во земјата.ПЛУСИНФО

- Реклами -