22.9 C
Ohrid
среда, јуни 23, 2021
Почетна Македонија Захариева -Недозволиво е во 21-ви век да не се признаваат правата на...

Захариева -Недозволиво е во 21-ви век да не се признаваат правата на самоопределување“,Во Македонија има над 100 000 бугари

Translate (Eng):[gtranslate]

Како што се наближуваат изборите во Бугарија, така и се засилува реториката на бугарските власти кои Македонија ја користат за добивање на политички поени со изјави кои најчесто се комични и се косат со реалноста.

Шефицата на бугарската дипломатија во интервјуто за „БНТ“ порача дека во Македонија во 21-ви век не се признава правото на самоопределување.

„Недозволиво е во 21-ви век некој да не го признава правото на самоопределување“, изјави Захариева коментирајќи ја анкетата на која од 25, дури 24 гледачи истакнале дека спорот на Бугарија со Македонија нема да биде решен.

РЕКЛАМА

„Ние сме доследни во политиката. Некои луѓе беа многу изненадени што кажавме „не“ за преговарачка рамка. Позицијата на Бугарија сепак е иста од 2019-та. Ние сметаме дека има забавено исполнување или недостиг на исполнување на задачите од македонска страна на Договорот за добрососедство со Македонија“, истакна Захариева обвини дека 100 илјади бугарски државјани во Македонија биле „заплашувани“.

„Над 100.000 граѓани имаат и бугарско државјанство и понекогаш се заплашувани. Недозволиво е во 21-ви век да не се признаваат правата на самоопределување“, порача Захариева.

Додека Захариева обвинува за некакво „заплашување“ и “непризнавање на право на самоопределување“, неодамна Европскиот суд за човекови права директно ја осуди Бугарија поради повреда на правото за здружување односно одбивањето на Софија да регистрира македонско здружение.

Станува збор за здружението „Македонски клуб за Етничка толеранција во Бугарија“ во Благоевград кое, во 21-ви век не добива дозвола за регистрација, односно Софија одбива да го регистрира здружението затоа што е на македонското малцинство, односно затоа што според неговата дејност треба да ги негува и афирмира македонските етнички обележја и традиции различни од бугарските.

- Реклами -