16.5 C
Ohrid
недела, мај 16, 2021
Почетна Македонија Заев: Мораше да има полициски час, очигледно е дека граѓаните се опуштија...

Заев: Мораше да има полициски час, очигледно е дека граѓаните се опуштија и не ги почитуваат мерките.

Translate (Eng):[gtranslate]

Премиерот Зоран Заев, на прес-конференција потврди дека ќе има полициски час кој почнува од утре од 22 часот до 5 часот наутро, а ќе трае до 22 март. Тој напомена дека имало потреба од такво нешто затоа што, според него, граѓаните се опуштија, а непочитувањето на мерките придонело да има зголемен број на заразени.

– Очигледно е дека граѓаните се опуштија и не ги почитуваат мерките. Бројките ни кажуваат дека итно мора да се превземе нешто. Ги влечеме искуствата од соседите, од другите земји, кои имаа локдауни, видовме дека влијанието не е конкретно, посебно ако не се почитуваат мерките. Кај нас очекуваме рестораните строго почитување на мерките, а инспекторите се тука да контролираат, рече Заев.

Тој смета дека ова ќе придонесе за намалување на бројките.

РЕКЛАМА

– Знаеме дека младите се најголемите трансмитери на заразата, некогаш и без симптоми, не знаејќи дека се инфицирани, може да го пренесат вирусот. Сметам дека ќе придонесе за намалување на бројките, истакна премиерот.

- Реклами -