10.5 C
Ohrid
недела, мај 9, 2021
Почетна Македонија Не сме добиле помош од ЕУ зошто сами сме се снашле многу...

Не сме добиле помош од ЕУ зошто сами сме се снашле многу добро, велат од (СЕП)

Translate (Eng):[gtranslate]

Македонија не доби финансиска помош од солидарниот фонд на ЕУ (ФСЕУ) затоа што земјата не направи доволно расходи во здравствениот сектор во првиот бран од кризата предизвикана од ковид-19 за да се квалификува за помошта, соопшти попладнево Секретаријатот за европски прашања (СЕП), со кој раководи вицепремиерот Никола Димитров.

Европската комисија денеска ја соопшти листата од 17 земји членки на ЕУ, плус 3 кандидати (Албанија, Србија, Црна Гора) кои треба да добијат помош од вкупно 530 милиони евра за да ги покријат трошоците за медицинска и заштитна опрема, превенција, следење и контрола на ширењето на болеста.

Солидарниот фонд на ЕУ е создаден за обезбедување помош и поддршка во време на катастрофи, како земјотреси и поплави, а од минатата година, мандатот му беше проширен да пружа помош и во здравствени кризи.

РЕКЛАМА

Од СЕП објаснуваат дека услов за да се добие помош од солидарниот фонд на ЕУ било јавните финансии да бидат оптоварени во висина од најмалку 0,3% од бруто националниот доход, што за Македонија е нешто над 30 милиони евра. Македонија во периодот од 4 месеци, откако беа воведени заштитни мерки (10 март-9 јули) потрошила 7,6 милиони евра во здравствениот сектор и со тоа, велат од СЕП, не бил достигнат минималниот праг за да се аплицира за помошта.

„Поради квалитетното и навремено менаџирање на државните финансии во здравствениот сектор, како и поради брзата и ефикасна организација на државните институции кога беше обезбедена голема количина на донации во борбата со Ковид-19 (заштитни средства, маски, медицинска опрема, респиратори итн) кои не предизвикаа дополнителни расходи за овие потреби, минимумот кој беше проектиран од страна на ЕУ за користење средства од Фондот за солидарност не беше постигнат“, велат од СЕП.

За повеќе детали на сдк.мк

- Реклами -