На денешната прес конференција министерот за здравство Венко Филипче најави дека до крајот на месец март или почетокот на месец април ќе пристигнат вакцините во Македонија.
<
Тој најави дека очекува уредно да започне вакцинацијата на населението, додавајќи дека најнормално функционира вакцинацијата на здравствените работници во државата.
– Се надевам дека брзо ќе се надмине кризата за вакцините и дека што побрзо ќе започнеме со вакцинација, вели Филипче.
Пандемијата се уште е тука, па така заштитните мерки мора да се почитуваат, додаде тој.
Министерот за здравство на прес-конференцијата изјави дека засега нема промени во мерката полициски час, односно тој останува активен од 22 часот до 5 часот следното утро.
