Во врска со насловите и шпекулациите пласирани од некои портали, дека сум вмешан во тепање на лице, одговорно тврдам дека не сум бил дел од таквите случувања, напиша Александар Трајков на социјалните мрежи.
Aлександар Трајков, познат како Сашко Сали, кој е телохранител на претседателот на СДСМ, Зоран Заев, попладнево се огласи на својот Фејсбук профил и ги демантираше пишувањата на некои медиуми дека тој бил вмешан во бруталната тепачка што се случи денеска во центарот на Струмица.
„Во врска со насловите и шпекулациите пласирани од некои портали, дека сум вмешан во тепање на лице, одговорно тврдам дека не сум бил дел од таквите случувања. Попатно, распрашувајќи се за настанот, добив информации дека ‘нападнатите лица‘ на видео снимката не биле само двајца туку биле дваесетина души од село Баница. Истите претходно извршиле напад на вработени во казино со дрвја, камења и со ладно оружје“, напиша тој на социјалната мрежа.
Утрово се појави снимка на која се гледа како десетина луѓе брутално тепаат еден чивек во центарот на Струмица.
