24.9 C
Ohrid
четврток, јули 29, 2021
Почетна Македонија Жителите на село Лактиње општина Дебрца креираа снежна скулптура со ликот на...

Жителите на село Лактиње општина Дебрца креираа снежна скулптура со ликот на Дејан Војвода.

Translate (Eng):[gtranslate]

Дејан Димитров, познат како Дејан Војвода – роден на 22 март 1873 во село Лактиње (Дебрца, охридско), бил охридски војвода на ВМОРО, учесник во Илинденското востание. Бил најсмелиот и најпознат војвода во Деб`рца, заштитник на месното население. Во 1912 година со измама е фатен од Турците, ѕверски измачуван и свирепо убиен кај месноста Опчели во близина на селото Песочани (Деб`рца, охридско). Старите илиндненци од Деб`рца раскажувале дека она што големиот војвода го преживеал тие денови не можат да го издржат и најсилните мажи.

Турците му ги кршеле забите еден по еден, му ги корнеле мустаќите. За да го понижат пред народот на Деб`рца кој во него гледал како на Господ, на устата му ставиле алка и како мечка го воделе од село во село. Откако така го прошетале низ Деб`рца го однеле на висока карпа над една рекичка во околината на селото Песочани. Таму го врзале со јаже за половината и го спуштале во водата, се додека не се онесвестил. На крајот го качиле на еден лисник и жив го запалиле.

Во негова чест жителите на село Лактиње и ден денес го почитуваат ликот и делото на овој војвода, па затоа во негова чест со нивните вешти раце изработија и снежна скулптура со неговиот лик.

РЕКЛАМА
- Реклами -