Лидерот на ВМРО-ДПМНЕ објави дека по 23 дена борба со коронавирусот и 12 дена поминати на Инфективната клиника, од денеска им се враќа на своите редовни работни задачи. Тој изразува огромна благодарност до медицинскиот тим на Инфективната клиника во Скопје и нагласува дека во тешки услови се борат за секој живот со сите расположливи ресурси.
„Со овој вирус се соочи и моето семејство. И до сите сакам да порачам: чувајте се вие и вашите најблиски! Вирусот не е за потценување. Чувајте се, затоа што никој тоа нема да го направи наместо вие самите“,вели тој.
Во пораката до своите сопартијци Мицкоски вели дека заедно уште пожестоко и посилно ќе продолжат да се борат против актуелната гарнитура на власта.
„Откако најавив македонска пролет, ги слушам најавуваат пролетна офанзива. Сме ги виделе и нивните метли и нивните офанзиви. Она што со сигурност доаѓа е македонската пролет, нова надеж, наша иднина!“,вели првиот човек на ВМРО-ДПМНЕ.
