Пратеникот на ВМРО-ДПМНЕ, Игор Јанушев, во утринската емисија на ТВ Алфа го критикуваше јавното здравство и напомена дека неговата партија доколку беше на власт досега ќе испратеше десетици посредници за да обезбедат договори за побрзо пристигнување на вакцините против Ковид-19.
„ВМРО-ДПМНЕ да ја имаше оваа ситуација и да беа тие што ќе раководат со државава досега ќе имавме вакцини. Значи дали ќе имаше 50, 100 луѓе што ќе беа пратени на сите страни на светот, дали негде ќе требаше да се молиме, да не знам што да правиме, досега ние ќе имавме вакцини. Ова е ненормална ситуација кога нема држава каде што веќе неколкукратно луѓето не се извакцинирани“, изјави поранешениот генерален секретар на ВМРО-ДПМНЕ.
Канушев додаде дека и останатите сегменти од јавното здравство, кое треба да се бори со Ковид-19, е запуштено, како што се капацитетите со креветите за сместување, протоколите кои треба да се почитуваат, заштитните материјали за самите здравствени работници, кислородната поддршка, итн.
