Момче до доцна синоќа го чекал Кристијано Роналдо на белградскиот аеродром. Го дочека, но не му се исполни желбата што ја напиша во трогателна порака.
Португалија во сабота ќе игра против Србија на Маракана во квалификациите за СП, а пристигнувањето во Белград на славниот фудбалер го искористи да го праша малото момче и големиот навивач на Роналдо.
“Кристијано, патував 1.300 километри за да ми дадеш автограм. Борис”.
Големото парче хартија со овој натпис долго време го држеше малиот Борис пред аеродромот, стрпливо чекајќи да се појави неговиот идол.
Секако, едно момче со ваква порака го привлече вниманието на новинарите и снимателите кои исто така го чекаа Роналдо, но таткото на Борис не сакал да им каже од каде стигнале и толку многу пропатувале за малото дете да добие потпис.
Сепак, ниту фактот дека детето ја барало наједноставната желба и дека тоа го истакна на голем транспарент, ниту фактот дека неговиот татко го носел на раменици пред автобусот откако Роналдо и неговите соиграчи влегле и виделе што пишуваше, не го разнежни Роналдо.
канал5
