Состојбата во болниците е многу сериозна, констатира министерот за здравство, Венко Филипче, по утринскиот состанок со директорите на клиниките. Тој порачува граѓаните да ги почитуваат мерките за да му помогнат на здравствениот систем.
– Утрово имав редовна координација со директорите на Клиниките на која разговараме за состојбата на хопситализираните пациенти со ковид, болничките капацитети, терпиите…Здравствениот систем секојдневно се менаџира, се обезбедуваат нови болнички легла, медицинскиот кадар е целосно мобилизирани, но состојбата во болниците е многу сериозна. Затоа од огромна важност е граѓаните да ги почитуваат мерките за да ни помогнат здравствениот систем да остане одржлив, во битка со ковид пандемијата, информира Филипче.
Вчера пак, по состанокот на Филипче со директорите на клиниките, беше соопштено дека вирусот има широка инфекција на територија на цела држава, а во сите болници низ земјата има слободни кревети, терапијата се доставува без застој и поради тоа нема потреба од воведување нови дополнителни рестриктивни мерки.
