26.9 C
Ohrid
понеделник, јули 26, 2021
Почетна Свет Русија бара од Словачка да ѝ ги врати сите дози од „спутник...

Русија бара од Словачка да ѝ ги врати сите дози од „спутник в“ поради ширење лажни вести за нејзиниот квалитет

Translate (Eng):[gtranslate]

Словачкиот институт кој ја проценува вакцината, тврди дека не е истиот „спуник в“ кој е анализиран во „Лансет“ и кој во моментов се проценува во ЕМА
Русија побара од Словачка да ѝ ги врати дозите од вакцината „спутник в“ поради кршење на договорот, јавува 360 етепени.

На официјалниот твитер профил за вакцината „спутник в“ се наведува дека словачката Агенција за лекови, „прекршувајќи го постојниот договор и со саботажа“, го тестирала производот во лабораторија која не е дел од официјалната мрежа на лаборатории на ЕУ за контрола на лекови.

Исто така, се наведува дека Словачкиот државен институт за контрола на лекови „започнал со кампања од дезинформации“ против вакцината „спутник в“ и дека „планира дополнителни провокации“.

РЕКЛАМА

Неколку часа пред Русија да побара од Словачка да ѝ ги врати вакцините, Словачкиот институт соопшти дека не добил доволно информации од рускиот производител за да може да ги процени придобивките и ризиците од нејзината употреба.

Институтот тврди дека добил околу 80 проценти од бараните податоци од Русија и додаде дека вакцината доставена до Словачка се разликува од онаа за што постои анализа во стручното списание „Лансет“ и чијашто ефикасност се проценува на 91,6 проценти.

Руската вакцина „спутник в“ сè уште не е одобрена за употреба во ЕУ, но Европската агенција за лекови (ЕМА) започна со проценка минатиот месец

Словачка: „Спутник В“ што го проценува ЕМА е различен од оној што ни е испратен
Словачкиот институт исто така тврди дека вакцината што ја проценува ЕМА се разликува од онаа испратена во Словачка.

Русија ги отфрли тврдењата како „лажни вести“.

„Сите дози на вакцина ‘спутник В’ се со ист квалитет и минуваат низ строга контрола во институтот Гамалеја. Квалитетот на вакцината е потврден од регулаторните агенции на 59 земји“,

се наведува во изјавата од руските власти.
Словачката влада неодамна падна откако поранешниот премиер Игор Матович склучи таен договор со Русија за купување на два милиони дози вакцина „спутник в“, и покрај противењето на коалициските партнери.

Тој лично ги дочека првите 200 000 дози на 1 март на аеродром.

Матович, кој во новата Влада е вицепремиер и министер за финансии денеска разговараше со руски официјални лица во Москва за понатамошна испорака на вакцини.

 

- Реклами -