25.9 C
Ohrid
недела, јули 25, 2021
Почетна Свет Се вакцинираше Русинка родена во времето на царот Николај II

Се вакцинираше Русинка родена во времето на царот Николај II

Translate (Eng):[gtranslate]

Вакцината „Спутник V“ прво ја прими московјанин кој има 104 години, а сега и баба од Волгоградската област која има 106 години!
Во Волгоградската област се вакцинираше против коронавирус 106-годишната Русинка Елизавета Бојко. Ова го соопшти локалната администрација на својот инстаграм-профил.

Елизавета Бојко, која е родена на 5 септември 1914 година во Руската империја за време на царот Николај II, живее во Волгоградскиот дом-интернат за стари и инвалиди. Теренската екипа на здравствените работници ја вакцинираше со рускиот препарат „Спутник V“ и таа се чувствува добро, се наведува во соопштението.

За време на Втората светска војна Елизавета Бојко го изгуби сопругот и во своето село Праваја Балка во Волгоградската област останала со малиот син. Целиот живот работела во земјоделството. Според нејзините зборови, долгиот живот го должи на активниот живот и љубовта спрема работата.

РЕКЛАМА

Кон средината на март вакцина прими московјанин кој има 104 години. Тој е најстариот вакциниран граѓанин во руската престолнина.
RUSSIA BEYOND

- Реклами -