24.9 C
Ohrid
четврток, јули 29, 2021
Почетна Македонија Општина Струга: Луѓето умираат од премногу сол и брашно, а не од...

Општина Струга: Луѓето умираат од премногу сол и брашно, а не од диви депонии.

Translate (Eng):[gtranslate]

Без присуство на градоначалникот Рамиз Мерко, директорот на Јавното комунално претпријатие во Струга и на претставник на Министерството за екологија, туку на нивни правни застапници, почна судењето за градската дива депонија во Струга. Македонското здружение за млади правници ги тужи овие три институции дека во изминатите години не презеле ништо за санирање и дислокација на депонијата од постојната локација на влезот на градот. Со вештачење е утврдено дека понатамошното постоење на депонијата ќе произведе посериозна штета по здравјето и животот на луѓето и животната средина.

„…Вториот дел од тужбата се однесува на конкретни мерки кои треба да се преземат за да се спречи таа идна штета ,а кои ќе одат во насока да се дислоцира целосна депонијата. Една од мерките е забрана за депонирање на комунален отпад“, рече Глигорие Ќатоски-адвокат на Македонско здружение на млади правници.

Адвокатот на општина Струга вели дека тужбата е правно неиздржана и надвор од судската надлежност. Освен тоа, според него, во земјава се умирало од други причини, а не од депонии.

РЕКЛАМА

„…Јас и на судењето кажав дека повеќе луѓе во Македонија умираат од употреба на сол, шеќер, бело брашно, него од дивите депонии“, изјави Драган Коровешоски-адвокат на општина Струга.

На денешното судско рочиште беа презентирани фактите и аргументите за случајот од двете страни. Следното е закажано за 25 мај. Инаку, струшката дива депонија се наоѓа на само 500 метри од првите куќи во градот.

Извор:Алсат Тв

- Реклами -