26.9 C
Ohrid
недела, јули 21, 2024
ПочетнаМакедонијаФилипче: Јас мислам добра работа направивме со тоа што ги затворивме угостителските...

Филипче: Јас мислам добра работа направивме со тоа што ги затворивме угостителските објекти, резултатот е видлив.

Искуството ни покажа дека во угостителските објекти и покрај тоа што има протоколи мерките не се почитуваа, па затоа мерката за нивно затворање е добра, особено во предпразничен период.

Министерот за здравство, Венко Филипче, вели дека одлуката за затворање на угостителските објекти во овој период може да придонесе за намалување на ширењето на ковид-19.

„Мислам дека е добра ваква мерка во пресрет на празниците. И тоа беше главниот концепт околу кој дискутиравме – дали треба да имаме радикална мерка и сериозно да го намалиме притисокот пред некои настани кои се сериозен ризик, а по две недели можеби за угостителските објекти ќе дадеме некои други препораки. Сепак, искуството покажа дека тоа се места каде и покрај тоа што има препорачани мерки, дистанца, сепак има групирање и непочитување на тие превентивни мерки. И затоа е таа препорака. Сакаме на некој начин, да го намалиме притисокот кон здравствениот систем“,

рече Филипче.
За евентуални промени во однос на мерката, напомена, ќе се анализираат бројките и податоците за сите градови поединечно како што се прави секоја недела.

„Не смее да се дозволи експлозија и создавање кластери за празниците, посебно во ваква ситуација кога системот е оптоварен со бројни пациенти по болниците“,

потенцира Филипче.
Според директорот на Државниот пазарен инспекторат, Стојко Пауновски, и по една година од пандемијата, сè уште има угостители, но и граѓани кои не ги почитуваат протоколите.

Инспекциските служби од 29 март од 4 април спровеле вкупно 5 236 надзори и контроли. Само пазарните инспектори извршиле над 4 500 контроли и надзори при што изрекле 34 прекршочни пријави, 91 решение и 43 платни налози. Вкупно осум угостителски објекти се затворени поради непочитување на протоколите, два во Скопје и Битола и по еден во Гостивар, Тетово, Струга и Куманово. Во овие угостителски објекти не се почитувало работното време или бројот на гости, односно ограничувањето на гости на една маса. Во сите случаи е изречена забрана за вршење дејност, односно тие се затворени на лице место, а дополнително се изречени и соодветни прекршочни платни налози.

Од Нова година до сега се затворени преку 78 објекти поради непочитување на протоколите.

spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Во Шутка недостигале 13 затвореници, 12 се вратиле, еден никаде го нема

При вонредна контрола на затворот Шукта на инспектори на Управата за санкции утврдени се низа нерегуларности. Од Управата за Телма велат дека дури 13...

Амбасадорот на Република Турција (Турк Фатих Улусој, во прва официјална посета на Општина Охрид.

Амбасадорот на Република Турција (Туркије), Фатих Улусој, кој беше во прва официјална посета на Општина Охрид. Графоначалникот Пецаков на средбата со Н.Е. разговараше за можностите...

Ангелов им додели благодарници на странските пилоти кои помагаат во гаснењето на пожарите

Синоќа (петок, 19.07.2024), на храбрите пилоти од Романија, Словенија, Хрватска, Србија и Црна Гора, кои ни помагаат во справување со огнената стихија, во знак...

Таравари го именува доктор Горан Маркоски за нов дирекор на Општата болница во Охрид.

Министерот за здравство, д-р Арбен Таравари изминатите неколку дена именуваше нови в.д. директори во следните јавни здравствени установи: – Клиничка болница Битола, Ненси Лозанче – Институт...