Молкот во јавноста за поскапената цена на маслото за јадење го прекина Здружението на пеливани на Нашата земја™ (ЗПНЗ) со јавно барање до надлежните да интервенираат кај компаниите и да договорат цена прифатлива за сите.
– Откако цената се вивна во воздух не можеме ни да тренираме. Пробавме со свинска маст, не оди. Договоривме и веќе користено масло од ресторани и сендвичари, ама така, после тренинг, редовно ни се пуштаат кучиња. – ни рече претседателот на ЗПНЗ.
На барањето на пеливаните реагираа од Владата и ветија дека во најкус можен рок ќе им бидат испратени 100 литри од државниот лубрикант, како и неколку десетици килограми путер за да продолжат со тренинзи.
Текстот е сатира…
