Поранешниот директор на Бирото за јавна безбедност, Митко Чавков по влошувањето на здравствена состојба, а на барање на семејството попладнево е спроведен во приватна болница во Скопје. Директорот на Затвор-Штип, Мики Тодоров вели дека Чавков вчера е хоспитализиран во штипскиот Ковид центар. Затворскиот лекар при редовниот преглед констатирал дека состојбата на Чавков се влошила и имал ниска сатурација. Ноќта ја поминал во штипската модуларна болница, каде бил ставен и на постојана кислородна поддршка. Утринава по добиените информации, прегледи на Чавков од страна на инфектолозите било препорачано да се хоспитализари во некоја од приватните болници. Семејството побарало, по што веќе попладнево со затворско комбе е хоспитализиран на болнички третман во приватна болница во Скопје.
Инаку кластерот во штипскиот затвор деновиве се зголеми за уште двајца заразени осуденици, со што бројката се искачи на седум. Меѓу заразените се и Митко Пешов поранешен началник на полициските специјални сили и Никола Митревски Кољо, кој беше осомничена како еден од главните организатори на насилствата и упадот во Собранието на 27 ми април. Пишува Телма Тв
