Општина Охрид претворена во едно големо инфраструктурно градилиште.Сите оние проблеми кој беа натрупани врз граѓаните на Охрид во изминатите 60 години , Општина Охрид ги решава во последните две години.Општина Охрид започна со реализација на уште една значајна инвестиција за модернизирање на градската инфраструктура. Се работи за проектот за комплетна реконструкција на улицата „Јане Сандански“ на потегот од крстосницата со булевар „Туристичка“ до крстосницата со улиците „Сирма Војвода“ и „Даме Груев“ и рехабилитација на целокупната водоводна линија, која иста е стара повеќе од 50 години,а сегашните азбесни цевоводи се менуваат со нови модерни еколошки цевоводи.Улицата Јане Сандански која е една од централните сообраќајни крвотоци на Охрид , ќе добие нови тротоари, велосипедки патеки, тротоари и современ дрворед,како и ново улично осветлување.Заапочна и поставувањето на првиот асфалтен слој на дел од коловозот улицата „Абас Емин“ на потегот од крстосницата со улицата „Охридска бригада“ кон крстосницата со улица „Железничка“. На овој потег претходно беа финализирани активностите за поставување на целокупната подземна инфраструктура, беше извршено тампонирање на подлогата и се поставија нови рабници.
Градоначлникот Константин Георгиески заедно со надлежните од Секторот за комунални дејности, сообраќај и улици, секојденво е на терен и ги прати сите градежни активности,како и остварува непосредни разговори со жителите на улицата Абас Емин, во кој разменува мислења за идни потреби на граѓаните кој гравитираат на оваа улица.
Во рамки на проектот за реконструкција на оваа важна сообраќајница, интензивно се работи на поставување на цевководите од главната линија на атмосферската, фекалната и водоводната мрежа и се врши поединечно приклучување на домаќинствата.
Според планираното, сите предвидени градежни работи на улицата „Абас Емин“ се очекува да бидат завршени пред почетокот на годинешната летна сезона.
